FILM REVIEW:Percy Jackson and The Lightning Thief

Pamagat: Percy Jackson and The Lightning Thief

Mga Tauhan: Percy, Grover, Annabeth, Luke, Chiron, Zeus, Poseidon, Hades, Persophone, Medusa

Buod:

              Si Percy ay anak ni Poseidon. Siya ay isang demigod o kalahating tao at kalahating diyos. Tahimik lang ang buhay niya ng biglang napagbintangan siya na kumuha ng lightning bolt ni Zeus. Ang lightning bolt ay isang napakalakas na sandata. Sinabi ni Zeus na kapag hindi ito naibalik sa kanya sa lob ng labing-apat na araw ay magkakaroon ng digmaan.

             Isang araw sa Yancy Academy kung saan nagaaralsi Percy ay bigla siyang sinugod ng isang fury. Noong aatakihin na siya nito ay biglang dumating si Mr. Brunner, ang kanyang guro at si Grover, ang kanyang kaibigan.Sinabi ni Mr. Brunner sa fury na kung hindi aalis ay pagpipirasuhin niya ito. Pagkarinig dito ay umalis na ang fury. Tinanong ni Mr. Brunner kung ano ang kailangan nito sa kanya at sinabi naman ni Percy na pinagbintangan siyang kumuha ng lightning bolt. Nangamba si Mr. Brunner kaya ibinigay niya kay Percy ang isang bolpen at sinabi kay Grover na dalhin sila sa kampo dahil doo ay ligtas sila. Bago pumunta sa kampo ay pinuntahan nila si Sally ang nanay ni Percy para isama dahil nanganganib na rin ang buhay nito.

       Habang papuntang kampo ay biglang may lumaglag na baka sa kotseng sinasakyan nila at naging dahilan ng pagtaob nito. Hindi sila makaalis doon. Nagulat si percy ng biglang nagtanggal ng pantalon si Grover at lumabas ang paa ng isang kambing. Sinipa ni Grover ang pintuan at dahil dito'y sila ay nakalabas. Nakita nila ang isang minotaur na papunta sa kanila. Dali-daling tumakbo ang tatlo sa gubat nang sa ganon ay mabilis makarating sa kampo. Nang sila'y nasa kampo na'y hindi nakapasok si Sally dahil siya'y isang ordinaryong tao lamang at dahil dito ay nadakip siya ng minotaur. Biglang naglaho si Sally sa kamay ng minotaur. Lumabas sa kampo ang galit na galit na si Percy. Nilabanan niya ito gamit ang binigay ni Mr. Brunner sa kanya na bolpen na nagiging espada pero ito ay walang magawa.Susuwagin ng minotaur si Percy pero ito ay nakailag at ang sungay nito ay bumaon sa puno at naputol. Ang nabaling sungay ay sinaksak niya sa puso ng minotaur kaya ito ay namatay. Nawalan ng malay si Percy matapos ang pangyayari.

       siya matapos ang tatlong araw na pagkakatulog. Akala niya'y panaginip lamang ang lahat pero nang nakita niya ang paa ni Grover ay napagtanto niyang totoo ang lahat pati na rin ang pagkawala ng kanyang ina. Sa loob ng kampo, ginala ni Grover si Percy nalaman niya dito na marami ang mga kakaibang tao tulag ni Chiron na isang centaur.Si Chiron ay ang guro ni Percy na si Mr. Brunner. Habang sila'y naglilibot ay nakita ni Percy si Annabeth ang anak ni Athena. Namangha siya hindi lamang sa kagandahan nito kung hindi na rin sa kagalingan nito sa pakikipaglaban.

       Tinipon-tipon ni Chiron ang lahat ng mga mandirigma. Pinapili niya si Percy kung saan grupo sasama. Si Luke ang anak ni Hermis ang nagsabing gusto nilang makasama siya sa asul na grupo. Pagkatapos ay nagkaroon ng isang ensayong digmaan, asul laban sa pulang grupo. Ang makakuha ng watawat ng kalabang grupo ang magwawagi sa ensayo. Ilang sandali pa ay nagsimula na ito. Si Luke at si Percy ay magkasama, sa daan nila ay may nakalaban sila, dito ay nagpaiwan si Luke kaya si Pery na lang maghahanap ng watawat. Sa paghahanap ay nakakita siay ng ilog. Iinom siya ng tubig dito ng bigla niyang nakita ang watawat. Akala niya'y madali niya lang makukuha ito pero nakabantay doon si Annabeth. Naglaban ang dalawa at walang magawa ito dahil sa napakagaling na mandirigma si Annabeth. Ininom niya ang tubig sa ilog at dahil dito ay gumaling ang kanyang mga sugat. Natalo niya si Annabeth at nakuha ang watawat kaya nanalo ang asul na grupo.

        Habang sila'y nagsasaya dahil sa pagkapanalo ng grupo ni Percy ay biglang lumabas si Hades sa apoy at sinabi kay Percy nabuhay pa ang kanyang ina. Maibabalik lamang ito kung ibibigay sa kanya ang lightning bolt.

      Kahit na wala sa kanya ang lightning bolt ay umalis si Percy kasama si Grover at si Annabeth. Tinulungan sila ni Luke para makarating sa mundong ibaba kung nasaan si Hades. Ipinaliwanag niya na kapag siya'y nasa mundong ibaba na ay makakaalis lamang ito sa pamamagitan ng perlas ni Persophone. Binigyan niya ang mga ito ng mga kagamitan at mapa na makakatulong sa kanila sa paglalakbay.

      Sa unang perlas ay nakasagupa nila si Medusa. Mahirap na kalaban ito dahil kapag tiningnan mo ang mga mata nito ay magiging bato ka. Nakita ni Medusa si Annabeth. Hindi ito makagalaw at makamulat dahil baka maging estatwa siya. Imumulat na sana niya ang kanyang mga mata ng biglang dumating si Percy para iligtas ito. Nakipaglaban si Percy kay Medusa sa pamamagitan ng repleksyon mula sa cellphone. Natalo niya ito at napugutan ng ulo. Itinago nila ang ulo nito at nilagyan ng harang ang mga mata nito dahil gagana pa rin ito kahit na pugot ang kanyang ulo. Nakuha nila ang unang perlas dito. Sa ikalawa ay pumunta sila sa Parthenon  at dito ay nakalaban nila ang hydra. Ginamit ni Percy ang mga gamit na ibinigay ni Luke para panlaban dito pero wala din itong nagawa. Natalo lang nila ito dahil itinapat ni Grover ang mga mata ni Medusa dito kaya naging bato ito. Sa pagkatalo ng Hydra ay nakuha nila ang ikalawang perlas. Para sa huling perlas, pumunta sila sa Lotus Casino na matatagpuan sa Las Vegas, Nevada. May nakain sila dito kaya limang araw na hindi nila naunawaan ang mga pangyayari. Nagising si Percy sa tulong ng kanyang amang si Poseidon.; at dahil dito'y nagising na rin si Grover at Annabeth. Nang makuha na nila ang perlas, ginamit nila ang kotseng nakadisplay at tumakas.Gamit ang kotseng ito, nagtungo silang Hollywood, dahil doon ang daan papunta kay Hades.

         Nang nakarating sila sa bahay ni Hades, sinalubong sila ni Persephone. Dinala sila nito kay Hades. Nang magkita sila, itinanong ni Hades kung nasaan na ang lightning bolt. Sumagot naman si Percy ng katotohanan, na wala sa kanya ito. Matapos nito, pinakita ni Hades si Sally, at sa pagkakataong iyon ay binaba ni Percy ang kanyang pananggalang upang mayakap ang kanyang ina.

         Nakita ni Hades na may kumikislap sa pananggalang ni Percy at nalaman nyang ito ang lightning bolt na kanyang inaasam. Sa gayon ay kinuha nya ito. Matapos nyang makuha ang ninanais, ay sinubukan niyang patayin si Percy, ang kanyang mga kasama at ang kanyang ina. Ngunit hindi niya inaasahang bigla siyang yayakapin ni Persephone at kukunin nito ang lightning bolt. Nang makuha ni Persephone,ginamit niya ito laban kay Hades na nagdulot dito ng kawalan ng malay.Matapos nito,binigay niya kina Percy ang lightning bolt at hinayaang makaalis. Gayunpaman, sapagkat tatlo lamang ang perlas, tatlo lamang din ang makaaalis. Dahil dito, nagpaubaya at nagpaiwan na si Grover; samantalang sina Percy, Annabeth at Sally ay umalis patungong Olympus. 

         Sa pintuan papuntang Olympus, biglang dumating si Luke, ang tunay na lightning thief at may kagagawan ng lahat. Nakipaglaban siya kay Percy ngunit siya'y nabigo. Sa dalawang minutong natitira sa pagtungo nila sa Olympus, matagumpay na naibigay ni Percy kay Zeus ang lightning bolt at ipinaliwanag na rin nito na si Luke talaga ang tunay na salarin sa pagkawala nito. 

        Matapos ng tagpong iyon, pinabalik ni Percy si Grover mula sa mundong ibaba. At si Percy ay tuluyan ng tumira at nanatili sa Camp Halfblood. Muli naging masaya siya, gayundin ang lahat.