Tula Tungkol sa Pag-ibig ni Jose Rizal

Tula Tungkol sa Pag-ibig

"Ang pag-ibig ay mapagpahinuhod, at magandang loob; ang pag-ibig ay hindi nananaghili; ang pag-ibig ay hindi nagmamapuri, hindi mapagpalalo
Hindi nag-uugaling mahalay, hindi hinahanap ang kaniyang sarili, hindi nayayamot, hindi inaalumana ang masama;
Hindi nagagalak sa kalikuan, kundi nakikigalak sa katotohanan;
Lahat ay binabata, lahat ay pinaniniwalaan, lahat ay inaasahan, lahat ay tinitiis...."

PUGAD NG PAG-IBIG

Pag-ibig anila'y bulag ang kahambing,
Hindi nakakikilala ng pangit at matsing,
At kahit pa nga magdildil ng asin,
Duling na sa gutom, maligaya pa rin!

Ganyan bang pag-ibig... martir at dakila?
Sa wari'y bayani't sundalo ng digma,
Sugatan ma't lumpo, lalaban ng kusa
Ipakikibaka bansang sinisinta.

Walang pasubaling ganyan ang katulad
Ng magkasintahang nasa isang pugad,
Hindi papipigil harangan man ng sibat,
Pagkat alipin na ng pusong bumihag!

Ngunit kung minsan nga'y iba ang pag-ibig,
Humugis na talim - gahaman at ganid,
Kumikitil ito, sa buhay pasakit,
Luluha ka lamang ng dugo at putik!

At magkaminsan pa'y hatid nito'y sama,
Kasalanan ang siyang dala nitong bunga,
Buhay ng pag-ibig wala ngang kapara
Salimuot ng gulo, magulong dakila!


"Ngayon ang tatlong ito ay mananatili, ang pananampalataya, ang pag-asa at ang pag-ibig. Ngunit ang pinakadakila sa tatlong ito ay ang pag-ibig. "

                       Tamang-tama ang tulang ito dahil ngayon ay buwan ng mga puso. Binibigyan nito ng inspirasyon ang mga nagiibigan na kahit na maraming kinahaharap na problema ay hindi nagiiwanan. Ang aral na inilalahad nito ay huwag sumuko sa mga problema dahil may pagasa pa. 

                      Ang pag-ibig ay napakahalaga sa buhay ng tao dahil kung wala nito ay puro kaguluhan na lang ang ating mararanasan, kapag may pag-ibig ay may buhay at ang galit ay magdadala sa atin ng kasiraan.