Ako si Gemar Paul M. Villareal, labing limang taong gulang. ipinanganak noong ika lima ng Nobyembre taong labing siyam at siyamnapu't lima. bunsok anak nina German C. Villareal, tubong San Marcos Lungsod ng San Pablo at Maribel Villareal tubong Piña Este, Gattaran, Cagayan Valley. Ang aking mga magulang ay nagkakilala sa Maynila dahil kapwa sila nagtatrabaho dito. Di nagtagal sila'y nagppkasal noong ika dalawampu't isa ng Hulyo taong labing siyam at walumpu't walo. Sila'y biniyayaan ng Diyos ng tatlong anak. Ang panganay ay si Regine Mae dalawampu't isang taong gulang, pangalawa ay si Angela Marie at ako nga ang bunso at iisang lalaki.
Ayon sa aking ina, ako raw ay ipinanganak ng malusog. Tuwang-tuwa ang aking ama sapagkat nagkaroon na siya ng anak na lalaki. Noong bata pa ako ay bibong-bibo ako. Gustong-gusto daw akong alagaan ng mga tiya at tiyo, mga lola't lolo dahil kamukhang-kamuka ko ang aking ama. Sinasabi ng iba na kamidaw ay pinagbiyak na bunga.
Bininyagan ako noong ika dalawampu't-lima ng Abril taong labingsiyam at siyamnapu't anim sa simbahan ng San Marcos at ang araw din iyon ay kapistahan ng aming nayon. Ang aking mga ninong at ninang ay mga kamag-anak ko rin. Pagdating ng aking unang kaarawan ay nagkaroon ng kaunting salu-salo ng mga pagkain at may palaro.
Apat na taon at kalahati ako ng unang pumasok sa eskwela bilang kinder at aking naging guro ay si Bb. Vanessa Cosiso ngunit ilang buwan pa lamang ay tumigil na ako. Sa sumunod na pasukan ay pumasok ulit ako upang mag-aaral. Ang aking naging guro naman ay si Gng. Flor Avedoza na guro sa Day Care ng DSWD at dito ay nakapagtapos akosa Kinder bilang pinakamahusay na mag-aaral. Alam ko na sobrang ipinagmamalaki ako ng mga magulang ko. Pagkatapos kong mag-kinder ipinasok ako ng aking ina sa Unang Baitang sa Mababang Paaralan ng San Marcos. Ang aking naging guro ay si Gng. Bolaños at pinarangalan ako bilang pang-lima sa aming klase pagdating ng Recognition Day. Sa ikalawang baitang ay si Mrs. Perla de Leon ang aking naging guro at ganoon din ang natanggap kong karangalan bilang pang-lima. Sa ikatlo ay ganoon din ang aking natamong karangalan. Sabi ko sa sarili ko na gagalingan ko na para sa susunod ay hindi na gaya ng iba ang makukuha kong karangalan. Sa pagdating ng ikaapat na baitang ay nagdilang anghel ako dahil naging pang-apat na ako sa aming klase. Sa ikalimang baitang ay marami akong nasalihan na mga patimpalak tulad ng sa MTAP. Dito ay nakaabot kami sa Finals at sa kasamaang palad ay hindi kami nanalo bagkus ay pang-apat lang kami.Sa araw ng pagkilala ay pang-apat uli ang nakuha kong pwesto. Sa huling taon ko bilang isang mag-aaral ng elementarya ay si Gng. Fatima Palacio ang aking naging guro at tagapayo. Marami akong mga nasalihan na paligsahan at sa tulong ng aking mga guro ay nakakabot naman ako sa Finals. Hindi man ako ang naging numero unong nanalo, hindi masasabing ako'y nasa pinakahuli. Pagdating ng pagtatapos ay pinarangalan ako bilang First Honorable Mention at may mga iba't-iba pang sertipiko akong natanggap, mga special awards at ako din ang hinirang na Boy Scout of the Year.
Gustong-gusto ko noon na sa Laguna State Polytechnic University pumasok ng High School ngunit hindi ako pinalad na makapasa sa second screening kaya naging isang wait lister lamang ako kung kaya't sa Col. Lauro D. Dizon Memorial National High School ako pumasok Hindi ko naman pinagsisihan ito dahil mahuhusay ang mga guo dito.
Noong unang pagsusulit para sa science section ay hindi ako pinalad na makapasa. Sa kabutihang palad ay binigyan uli kami ng pagkakataon para pumasok sa science section at dito nga'y isa ako sa mga nakapasa. Tuwang-tuwa ako dahil marami na agad akong mga kilala dito tulad ng mga nakasama ko sa MTAP. Sa unang taon ko sa sekondarya ay naging tagapayo ko si Ginoong Anderson Mission. Sa una at pangalawang markahan ay kasali ako sa top ten. Sumali ako sa essay writing at dito'y natamo ko ang ikatlong pwesto. Sa huli, ay hindi ako naging honor student dahil kulang ako sa mga Extracuricular activities. Sa pagdating ng ikalawang taon ay si Gng. Aleli Juliano ang naging guro't tagapayo ko. Sa huli, ay pang-labingisa lamang ako kayat hindi nakasama sa mga pinarangalan. Sa ikatlong taon ko sa hayskul ay naging tagapayo ko si Gng. Diocelyn Quides at siya ring guro ko sa matematika. Sa unang markahan ay pang-labingwalo lamang ako at dahil dito ay nagpursige akong mag-aral. Nagbunga naman ang aking pag-aaral dahil sa ikalawang markahan ay pang-anim na ako at sa ikatlo ay pang-walo ako. Umaasa ako na sa huli ay mapabilang ako sa mga gagawaran ng karangalan pero kapag hindi pinalad ay ayos lang basta't pagbubutihan ko pa ang aking pag-aaral.
Sa kasalukuyan, ay abala ako sa paggawa ng mga proyekto sa mga asignatura. Pinipilit ko itong matapos sa oras ng sa ganon ay wala akong magiging problema sa mga marka.
No comments:
Post a Comment